H. AHMAD FAUZI, S.Pd.I

 

Ustadz H. Ahmad Fauzi, S.Pd.I, lahir di Amuntai, Jum’at, 10 Januari 1969 M (bertepatan dengan 20 Syawal 1388 H).

Diantara kalam beliau:

“Ilmu itu penting. Al-ilmu imamul amal. Ilmu adalah imamnya amal. Jadi amal adalah pengikut ilmu. Kalau amal kada bailmu, sama dengan makmum kada baimam. Mun makmum kada baimam, kaya apa? Kada bajamaah atau sembahyang saurangan saurangan”.

“Amun pekerjaan dunia kada bailmu, kada balajar, itu kukuranglabih. Amunnya inya cangkal, insya Allah bisa haja. Tai amunnya ibadah, misalnya sembahyang, atau masalah ibadah zakat, wudhu, mandi wajib, tauhid segala macamnya, mun kada balajar kada kawa. Walaupun sah gawiannya tetapi kadada ilmunya, (maka) kada diterima. Jar Ibnu Ruslan dalam Zubad-nya: “Siapa saja yang ketiadaan ilmu ia baamal, maka amalnya itu mardud atau tidak diterima (tertolak), walapun sah.”

“Masalah agama, pekerjaan ibadah yang dilakukan, terkadang kada luput daripada yang 3 (tiga) ini, yaitu ilmu lili, ilmu dada, ilmu tutu. Lili tu lilihatan, dada tu dadangaran, dan tutu tu tuturutan. Kada kawa yang seperti ini dalam beribadah”.

“Apabila dihati kita tu timbu handak manggawi kebaikan, handak beribadah itulah yang disebut dengan hidayah. Hidayah itu kira-kira adalah handak manggawi nang baik, seperti handak ka langgar, handak ke masjid, handak baca al-Qur’an, handak barsedekah, handak berwakaf, handak mangaji, pokoknya handak mengerjakan nang baik-baik, nah itu adalah hidayah”.

“Kita bausaha manggawi itu nah ngarannya adalah Kasbun, tetap usaha. Adapun pilihan hati kita yang baik tadi disebut ikhtiar. Keduanya itu kada mambari bakas. Nang mambari bakas adalah hidayah Allah. Jadi kita manggawi nang baik, manggawi ibadah itu kada akan terlaksana kalau kada ditolongi oleh Allah. Tolong Allah kepada hamba mengerjakan ta’at itulah yang disebut dengan Taufiq”.

“Rahatan badiri kada kawa ruku’ mun Allah kada manolongi. Rahatan ruku’ ka i’tidal, kada kawa jua amun kada dengan pertolongan Allah. Jadi semuanya terjadi dengan pertolongan Allah. Nah pertolongan Allah ketika mengerjakan sembahyang (juga ibadah lainnya, pen) itu namanya taufiq. Kemudian adalagi pertolongan Allah yang lain, yaitu ba-yakin kita dalam melaksanakan taat ibadah ini, supaya ada perhatian itulah ayana atau ‘inayah. Bila ditolongi oleh Allah kawa kita manggawi ibadah dalam keadaan khusyuk, hadir hati. Mun Allah kada manolongi biar kaya apa kita kada kawa khusyuk”.

“Jadi kita ingat lawan Allah itu sabujurannya Allah yang ingat lawan kita. Mun Allah kada maingatakan kada kawa kita sembahyang, kada kawa kita berdzikir”.

“Ketika kita membaca “iyyakana’ budu, wa iyyakanasta’in” Hanya kepada Engkau kami menyembah, dan hanya kepada Engkau kami banyak minta tolong. Hanya kepada Engkau kami menyembah. Siapa yang menyembah, kami (kita). Jadi kita yang sembahyang. Wa iyyaka nasta’in, dan hanya kepada Engkau kami minta tolong. Jadi yang menyembah tu kami (kita), yang sembahyang tu kami (kita) tapi kada kawa jua mun kada ditolongi oleh Allah. Jadi, iyyaka na’budu itu syari’at, iyyaka nasta’in itu hakikat. Kaduanya ini kada kawa dilepas jua”.

“Ikhlas itu adalah rahasia Allah yang diletakkan dihati hamba, yang mengetahuinya kecuali hamba itu sendiri lawan Allah.”

 “Keberkahan ilmu terletak pada keridhaan guru yang mengajarkan ilmu tersebut”

“Di dunia ini, ada 3 orang tua yang wajib kita hormati dan muliakan, yaitu pertama, orang tua yang melahirkan kita;  kedua, orang tua (mertua) yang anaknya kita nikah;  dan yang ketiga, orangtua yang mengajarkan ilmu keoada kita, dalam hal ini para guru/ulama”.