Ustadz ABRAR MASRAWI

 

Ustadz Abrar Masrawi, lahir di Amuntai, Jum’at, 9 Juli 1982 M bertepatan dengan 17 Ramadhan 1402 H. Menempuh pendidikan di Ma’had Aly Pondok Pesantren Az-Zein, Bogor, Jawa Barat. Sekarang menjadi pendidik di Pondok Pesantren “Darul Ilmi” Landasan Ulin, Banjarbaru, Kalimantan Selatan.

Diantara kalam beliau:

“Amn kita kada kawa malajari anak, maka sakulahakan anak kita. Amun kita kada kawa mandidik bini, maka izinakan inya belajar dipengajian, ijinakan inya umpat balalajaran, ijinakan inya umpat yasinan”.

“Apabila Allah Ta’ala murka lawan kita, dinyamani Tuhan. Didalam kitab disebutkan ; bila Allah marah lawan hamba, tatalu marah, Tuhan sarik banar sudah, maka Allah Ta’ala menyamani kita, razaki diluasakan Tuhan tetapi nang haram. Ini bahayanya, jangan bangga (misalnya) : “unda bujurai kada sambahyang tapi Alhamdulillah kawa maulah rumah”. Hati-hati.

“Tanda orang bauntung itu jar nabi, makanan yang disuap itu halal. (dalam hal ini) boleh haja bini manasehati, memberi masukan lawan laki : oi abahnya, ingatakanlah bujur-bujur bagawi, jangan nang haram, mun nya kadada dapat olehan maraha bulik, jangan maambil ampun orang, sebab bila membawa bulik nang haram kaena ulun jua nang mamakannya, anak kita taumpat jua mamakannya”.

“Bila kita tu taat haja lawan Tuhan, sembahyang haja, Insha Allah ada haja razaki yang halal, Tuhan akan maulahakan jalan, kada sampai taambil nang haram, ada haja nang halal. Napa dalilnya? Ujar Tuhan dalam al-Qur’an  : “Barangsiapa bertakwa kepada Allah niscaya Dia akan mengadakan baginya jalan keluar. Dan memberinya rezeki dari arah yang tiada disangka-sangkanya” (QS. Ath-Thalaq ayat 2-3). Ada 2 makna “Yahtasib” itu, yaitu pertama, kada dikira-kira, kada disangka-sangka;  kedua, kada kahitungan.”

“(tentang qadha-an) : qadhaan itu karena kada tunai kita manggawinya. Kaya apa haja khusyuknya kita manggawi qadhaan diluar waktu ada-an, kaya apa haja bagus tempatnya, misalnya sembahyang ada-an di Banjar, sedangkan qadha-annya di Mekkah, maka tetap ganal nang di banjar pahalanya. Karena dia manggawinya pas dengan suruhan Allah Subhanahu wa ta’ala”.

“Ujar guru bila laki-laki mun handak razaki lancar, (maka) tepat-tepat saja waktu mengerjakan sembahyang, (maka) Allah akan cepat manolongi kita, karena Tuhan itu memberi kita rahmat, memberi kita kasih sayang, (dimana) Tuhan bahadapan lawan kita tu, yaitu didalam sembahyang”.

“Wajib atas kita mengucap shalawat dan salam atas Nabi kita Muhammad Shallallahu ‘alaihi wa sallam. Shalawat itu do’a gasan Rasulullah. Mendo’akan Nabi itu artinya mendo’akan kita. Karena Nabi itu orang mulia. (contoh) : cangkir ini hibak sudah lawan banyu, lalu kita buati pulang lawan banyu, maka akan limpas. Limpasannya tu kamana? Tahamburan gasan siapa?? Kita ini kada bagus, banyak dosa, kita ni macam-macam kesalahan, tapi kita umpat tacampur dengan Nabi, Akhirnya kitapun babagus pula, sasain babaik. Ini gunanya shalawat. Makanya jika orang tu bershalawat terus, maka orang tua batambah baik tu. Kenapa? Karena ia mencampuri inya lawan Rasulullah Shallallhu ‘alaihi wasallam. Rasul yang akan membimbing kita. Jadi bagus haja amalan menuntut ilmu dengan banyaki membaca shalawat. Shalawat supaya dingin, supaya kepala jaangan talalu panas. Misalnya 1000 x sehari. Pokoknya kita harus ada baisi shalawat supaya kita itu baisian Nur Nabi, nyaman  dapat ilmu.”