“ada 4 (empat) macam yang menghalangi sekira-kira kita tu jangan ba-amal ibadah. Yang pertama, adalah syaithan. Ngalihai yang namanya syaithan ini, tahu sudah kita. Cuma kalau dibulan ramadhan ini syaithan dibelenggu. Tapi ada 3 (tiga) lagi yang lainnya yang mengganggu kita, yaitu Nafsu. Nafsu ini katujunya handak santai, handak nyaman tarus. (ketiga) Kawan. Kawan ini bapangaruh jua, dimana kawan ini tabagi dua, ada kawan yang membawa kepada yang baik, dan ada kawan yang membawa kepada yang kada baik. Bila kita bakawan lawan orang baik, maka akan taumpat baik; bila kawan jahat kabiasaannya taumpat-umpat jua. Dan kemudian yang menghalang-halangi kita baibadah adalah (keempat) harta. Jadi mengenai harta ini, banyak orang yang bingung lawan harta ini, asalnya kawa ba-amal baibadah waktu miskin, namun sekalinya mendapat harta, jangankan tambah ba-amal, tapi malahan bisa batambah bajauh, dan lagi karena kasasayangan lawan harta, lalu ha jadi bakoler (malas) ba-amal ibadah”.
“ Mana ganalnya pahala basabar atas musibahkah, atau basabar kada malakukan maksiat, atau ganalnya pahala dalam baibadah? Jadi nang paling ganal pahalanya adalah basabar manahani kada melakukan maksiat”.
“Supaya napa haja (apa saja) kira-kira gawian kita tuh jadi pahala, diantaranya adalah niatnya bagawi tuh ikhlas karena Allah Ta’ala haja. Kada manggarunum. Bila manggarunum lain lagi. Saumpama, “Aku jar sidin bacari saurangan, nang makan bajurut”. Nah pamandiran nang kaya ini kada ikhlas ngarannya. Bapadah kalapahan, misalnya. Jangan! Apabila kita bagawi, niat ikhlas mencukupi kebutuhan rumah tangga (maka) pahalanya ganal, sama dengan orang-orang fisabilillah”
“Masalah fiqih itu kada kawa tuturutan (tidak dapat ikut-ikutan) melainkan harus dengan belajar”
“Bila belajar itu bakikijiban (sembunyi-sembunyi) maka patut dicurigai”
“Untuk ke akherat tu harus banyak bekal. Seperti di dunia ini saja, bila sedikit bekal akan gelisah. Umpama, kita mau ke Banjarmasin, apabila sangu (bekal) kita kikitisan (sedikit, hampir habis), maka bisa membuat gelisah. Dan adapun bekal yang kita bawa ke akherat tidak lain adalah amal shaleh”.
“Nangapa haja gawian (apa saja pekerjaan) kita di dunia ini, yang halal, bila diniatkan gasan akherat, maka akan bernilai ibadah”
“Menjelang berbuka adalah waktu yang mustajab, maka baik juga (saat itu) kita mendo’akan anak-anak kita, supaya mereka alim, pintar”.
“Sesekali perlu membuka-akan paguruan agar supaya kita mendapatkan do’a beliau”
Tidak ada komentar:
Posting Komentar