KH. IBRAHIM

KH. Ibrahim Sarman lahir di Desa Sungai Limas Kecamatan Haur Gading Amuntai pada tahun 1950 M (1369 H). Beliau menimba ilmu di Pondok Pesantren “Darussalam” Martapura pada tahun 1972, setelah itu banyak mengaji “baduduk” dengan beberapa ulama di beberapa kampung.

Beliau saat ini di samping mengajar sekaligus menjadi pimpinan Pondok Pesantren “Raudhatul Muta’allimin” yang didirikan oleh Muallim KH. Jahri di Desa Teluk Haur Kecamatan Haur gading, mengajarkan kitab “Dalilul Falihin Syarah kitab Riuadhus shalihin” pengajian rutin di Majelis Ta’lim al-Ma’arif. Dirumah beliau sendiri juga membuka majelis dengan mengkaji kitab fiqih “Riyadul Bariyah”, serta kitab tauhid “Fathul Majid”. 

Telah berpulang ke rahmatullah pada hari Selasa, 14 November 2023 M (bertepatan dengan 30 Rabiul Akhir 1445 H).

Diantara kalam beliau:

“Ibadah itu dengan baniat, amun kada baniat kada sah, amun kada sah kada dikatakan ibadah. Contohnya sembahyang atau berwudhu, bila kada baniat kada sah. Mandi wajib, mun kada baniat kada sah mandinya, alias kada dingarani ibadah, dan itu juga yang disebut amal. Gawian sembahyang tu ia amal, gawian ba udhu tu amal jua. Ibadah dengan baniat itu mensahkan ibadahnya dahulu, sesudah jadi ibadah, disebut orang itu amal shaleh, nangitu perlu pulang keikhlasan. Sesudah sah ibadah disebut amal, nah amal ini memerlukan pulang keikhlasan supaya ada nilai pahalanya. Kalau tidak ikhlas kada jadi bapahala. Jadi shiddqul qashdi iktu ibadahnya dengan niat, bila kada baniat tentu kada sah. Bila sudah baniat sah sudah disebut amal shaleh, supaya bapahala dilakukan dengan ikhlas pula”.

“Bagaimana cara beribadah supaya ikhlas? Apabila takutan maninggalakan (suatu kewajiban, atau yang sunnah, pen). “Nanti aku disiksa bila maninggalakan”. Nah kita disiksa tu nang kada hakun. Nah (apabila) kaya itu perasaan hati kita, itu ngarannya gawian kita tu ikhlas. Nang mandorong kita baibadah tu ilmu pengetahuan seperti itu tadi. Lalu kita manggawi ini (kewajiban) bujur-bujur takutan lawan Allah, takutan lawan siksanya Allah, sebab amun kada digawi disiksa-Nya. Lamun digawi bapahala, sorga balasannya. Tapi kita nang kada handak dahulu nang nyata dahulu adalah siksaannya yang kada hakun. Nah yang seperti ini ikhlas tu, yaitu ikhlas orang awwam. Kada wani lawan siksanya Allah. Atau yang seperti ini sunnat gawiannya, sunnat ini bapahala, bila bapahala ini balasannya sorga. Nah aku handak sorga tu pang. Lalu manggawi nang sunnat tu karena Allah. (seperti) Nang kusembahyangkan sunnat zuhur itu niat mensahkan ibadahnya, nang mambangkitakan kita ini mau manggawi nang disuruh Allah itu wajib/sunnat karena maunting handak taganang dipahalanya itu, dan kada wani maninggalakan karena akan disiksa, nah seperti itulah cara kita untuk ikhlas”.

“Hati kita ini bisa mati, bisa hidup, bisa hidup tapi taguring. Mun hati itu hidup (apabila) mandangar nasehat-nasehat agama tu ada tu barasa inya, lamun hati mati kada mandangar tu, hatinya tu kada mandangar mati pang, atawa (hatinya) guring kada mandangar jua. Bila dihidupkan Tuhan tu hidup serta kada taguring, mandangar nasehat lalu masuk, bilanya masuk takarujut hati tu : kada kapingin kada lagi nangkaya halam, kada tahu pang (saat itu), ini umpama. Nah tu ada ngarannya masuk, inya (hati) hidup, inya kada taguring. Supaya hati hidup jangan guring, amalannya adalah “ Ya hayyu ya qayyum” 40 x tapi ingat waktunya hampir terbit matahari”.

“Maksud ahya-llahu qalbah adalah Allah bukakan dengan mengenal Allah akan dadanya, maksudnya hatinya. Inya mun kada tabuka kada ma’rifat. Bila kita yakin, I’tiqad kita tu yakin, “jazam” nang kada bagarak lagi tuh, nang kita yakinkan itu bujur, dalilnya tahu, nah itu (yang seperti ini) ma’rifat sudah. Ma’rifat menurut sifat 20”.

“apabila setiap waktu atau setiap saat hati kita ini terbuka, sampai ingatan kita tu lawan Allah. Kita mendapat kaya (seperti ini) memang ini sudah, ini dihati bukan dipandir. Tasipak tunggul, Innalillah, langsung ingat mati han sampai pikirannya kepada Allah tu, ini ngarannya ma’rifat. Kawa sembahyang, ini taufik dan hidayah dari Allah (sehingga) kawa baibadah, han sampai pikiran lawan Allah, kaya ini dulu ma’rifat kita orang awam, kaya ini dahulu. Nyaman makan, Alhamdulillah, bukan muntung haja baucap tapi hatinya juga ingat. Sampai hati kita nih ingat lawan Allah Ta’ala nih, nang ini ngarannya ma’rifat. Inilah maksud dibukakan Tuhan akan hati. “Tang ta ingat ha” (kepada Allah). Kaya ini pang kisahnya hati nang dibukakan Tuhan, nang kada dibukakan Tuhan tu kada ingat pang”.

“Malihat sidin bapandir (berbicara) tang (seketika) ingat ha lawan Tuhan, dan apabila sidin bapandir, ma’rifat tu isinya. Tu Allah ta’ala nang ma ungapakan muntung (yang menggerakan mulut) sidin. Kalu ada nang kaya itu tang ingat ja kita (kepada Allah), berarti sidin tu wali. Tapi kada usah dipandir. Kenapa maka nang kaya itu ? Kenapa apabila maningau (melihat) seseorang (wali Allah, pen) tang langsung  ingat ha lawan Tuhan. Aneh. Jadi mun sudah rancak (sering) tatamu sidin umpamanya (orang seperti sedemikian), tang ingat ha lawan Allah, maka paparakiai lagi, papatuhiai, minta do’akan. Rahasianya ngitu haja”.

“Babisa-bisa saurangai lagi, minta sumbahyang hajatkah, minta do’a lawan orang, bagus haja pang, tapi nang harat (yang hebat) tu saurangai babisa-bisa. Bertadarru’, munajat kepada Allah. Do’a tu kada mesti “Allahumma-Allahumma” pang, tapi hati kita tu bapandir (berkata-kata). Tangah malam bangun bawa sumbahyang tahajjud, sembahyang hajat, lalu hati kita ni dibawa munajat kepada Allah. Merendahklan diri, tadarru’ kepada Allah dan banyak-banyak mengingat Allah, baca La haula wala quwwata illa billah, baca istighfar, dan diantara fadhilatnya adalah dapat mengeluarkan daripada kesusahan dunia”.

“Nyaman ja berkomunikasi lawan Tuhan tu kada ngalih (tidak sulit) , kada salang picik mamicik pang (tidak perlu menekan-nekan nomor), sa apa nomornya, langsung saja, jadi baandak saja sudah. Selama kita tidak menginginkan segera, segera, segera ngitu, (maka) kabul”

“(diantara faedah do’a jawami’), yaitu kemudahan dalam agama, kedua, luasnya rahmat Allah Ta’ala dengan hamba-hamba-Nya. Han melalui Nabi kita, mun ayah anggit Nabi tuh baribu-ribu do’a sidin, kada kahafalan, kada mayu (tidak cukup waktu). Lalu Allah Ta’ala kasih sayang lawan hamba-hamba-Nya, ini bentuk Rahmat Tuhan (yang) luas tadi diilhamkan, mungkin diwahyukan kepada Nabi do’a nang kaya itu tadi (Allahumma inni as aluka min khairi masa’alaka minhu Nabiyyuka Muhammadun Shallahu ‘alaihi wa salam wa ‘ibaduka shalihun, wa a’udzubika min syarri mas ta’azaka minhu nabiyyuka Muhammadun Shallahu ‘alaihi wa salam wa ‘ibaduka shalihun, wa antal musta’anu wa alaikal balaghu wa la haula wala quwwata illa billahil ‘aliyil ‘adzim) do’a nang handap (pendek) untuk kita-kita nang kada tapi kawa lagi mahafalakan, maka do’a nang handap niai. Itu menunjukkan luasnya Rahmat Allah dengan hamba-hamba-Nya. Cocokai lawan nabi tu Rahmatan lil ‘alamin. Bagi orang nang pintar-pintar, kuat otaknya mahafal, silakan hafali do’a-do’a Nabi nang banyak banar. Nah bagi nang kada hingkat (mampu), nah ada pulang jalannya tuh supaya mendapat kaya (seperti) do’a  Nabi. Handap ja (pendek saja) do’anya. Nangini ja dibaca hari-hari imbah sembahyang” (maka mencakup dah do’a Nabi samunyaannya (semuanya)

“Sesudah menunaikan sifat kehambaan bagi hak Allah Ta’ala, sesudah kita menunaikan ubudiyah kita, beribadah, imbah (selesai) sembahyang lalu kita berdo’a, atau imbah babacaan nangapakah, amalan-amalan lainnya bagus berdo’a imbahnya (setelahnya). Jika membaca shalawat 100 kali, istighfar 100 kali, umpama, lalu imbahnya berdo’a. (Semestinya) memang begitu. Sesudah menunaikan sifat ubudiyah seorang hamba tu bagi hak Allah Ta’ala, yaitu beribadat”.

“Semua amal ibadah ada haja fadhilatnya (yaitu) mengkaffaratkan dosa-dosa. Seperti berwudlu mengkiffaratkan, napa hajakah (apa saja) amal ibadah tu mengkaffaratkan dosa”

“Bila (meminta) masuk sorga tu sama artinya meminta mati dalam keadaan beriman. Kita ulangi, meminta keberuntungan dengan masuk sorga sama artinya kita meminta mati di dalam keadaan Husnul Khatimah”

“Kadang-kadang amal ni amal baik tetapi tidak di redhai Tuhan, lalu amal baik ini membawa kepada ujub, membawa kepada takabbur, nangitu amal nang kada diredhai. Kadang-kadang bisa haja sayyiat tetapi membawa kepada kebaikan, maksudnya lalu inya pacah hatinya, manyasal manggawi dosa itu, lalu inya bataubat nashuha, nah ini ngaranya sayyiat yang membawa kepada keredhaan Allah Subhanahu wa ta’ala”

“Pertama, bila menggunakan pandangaran kepada sesuatu yang diharamkan oleh Allah Subhanahu wa ta’ala, itu termasuk kejahatan pandangaran. Kedua, kada hakum mandangarakan pandangarannya tu kepada kebenaran, ilmu pengetahuan agama, ceramah agama, kada hakun tu pang naitu tamasuk juga pada kejahatan pandangaran. Tidak menggunakan penglihatan untuk melihat tanda-tanda kebesaran Allah, padahal inya malihat, tetapi pikirannya kadada, karena kekurangan ilmu kah atau hatinya kah yang tatutup, naitu tamasuk kejahatan pada penglihatan. Mamandir sesuatu nang pacing manjadi dosa,atau pander nang sia-sia, nang kadada gunanya gasan dunia dan akhirat, naitu tamasuk juakadalam kejahatan lidah”.

“Kada manda-i laku lamun Allah nang sangat memperkenankan do’a, sangat kasih sayang, yang sangat pemurah, kada mandai laku Tuhan kada mangabulakan. Maka Sidin (Allah Subhanahu wata’ala) manyuruh berdo’a. Nangitu memperkuat kita lebih penuh harapan dikabulkan Allah. Di hati kita tu yakin, penuh harapan. Lamun Sidin manyuruh, diwajibkan, (dan kita) menunaikan, mandai lah Sidin kada mangabulakan. Di hati kita kaya itu, lalu kuat harapan kita. Ana ‘inda dzanni ‘abdi bi (Hadits Qudsy). Bila inya (hamba) menyangku Aku mengabulkan, bias dikabulkan. Maka menyangka kita tu nah kepada Allah bahwa Allah mengabulkan. Cukup beralasan, karena Sidin manyuruh, diwajibkan (Sidin) ha pulang”

“Nikmat agama nang paling besar adalah nikmat iman, karena sebab iman inilah nang menyebabkan tidak kekal di dalam neraka. (maka)  nikmat agama tu jangan kitakada ingat setiap malam hari bila handak guring mentafakkuri : “Alhamdulillah ya Allah, aku ini masih diberi tetap beriman sampai hari ini, dan selanjutnya ulun harapakan jangan diambil nikmat agama”. (ini) adalah jalan usaha kitasupaya nikmat iman, nikmat agama ini selalu tetap ditetapkan Allah sampai kepada ke akhirat, sampai mati tetap beriman. Mengharap lawan Tuhan, tetapi kita jua bausaha. Ya usahanya antara lain kitasyukuri, kita pelajari, kita amalkan. Kitasyukurilah nikmat Agama Allah. Nah itulah cara-cara kita untuk agar nikmat agama itu tidak diambil oleh Allah”.

“Bila kita manggawi (suatu perbuatan) ingat (bahwa hal tersebut) menjunjung perintah Allah, maka gawian tersebut bernilai ibadah. Karena, suatu amalan bila tidak disertai ilmu, ditolak, artinya, tidak menjadi nilai ibadah”.

“Tasyaddud  itu panjang kalam pamandirannya (bertele-tele) panjang do’a, tetapi kadada hadir dihatinya. Muntung ja parapak-parapak, tapi hatinya (lalai) kemana-manakah. Itu ngarannya mu’tadi (melampaui batas dalam berdo’a, pen). Tuhan kada suka itu”

“Orang berdo’a tu, sudah lagunya, sifat keadaan  zahirnya tu sudah tadharru’, merendahkan diri, menampakkan keadaan seorang hamba. Bakijim ha pulang, batunduk, yaitu menampakkan kehambaan kepada  Allah, bukan kepada makhluk”.

“Orang beriman itu redha menerima hukum-hukum Islam, inya (dia) kada merasa sempit oleh karena hukum-hukum Islam”.

“Ilmu yang bermanfaat itu kawa mamadahi (dapat menasehati) diri”

“Untuk menjadi orang yang muttaqin, maka gunakanlah petunjuk-petunjuk al-Qur’an”

“Mati adalah musibah yang besar, tetapi lupa pada kematian adalah musibah besar bagi agama, lebih besar dari mati itu sendiri”

"Salah satu siasat atau upaya untuk menambali (menutupi) kekurangan amaliah kita, akibat kelalaian-kelalaian kita, yang pertama adalah dengan memperbanyak membaca shalawat, yang kedua adalah memperbanyak tasbih dengan ucapan :  Subhanallahi 'adada khalqihi, subahanallahi ridha nafshihi, subhanallahi zinata 'arsyihi, subhanallahi midada kalimatihi".

"Apabila kita melazimkan sesuatu kebajikan diwaktu sehat, waktu lapang, atau waktu muda, hingga pada suatu waktu ia tidak dapat mengerjakan kebajikan yang biasa ia lakukan, karena sakit atau uzur tertentu, maka tetap pahalanya seperti ia dapat mengerjakannya. Inilah kemurahan Allah SWT."

"Apabila Allah mengilhamkan  kepada seseorang untuk berdo'a  pada suatu tempat atau waktu tertentu, maka segeralah berdo'a, niscaya makbul. Inilah rahasia Allah".  

“Tidak ada tasawuf itu mengentengkan ibadat, bahkan hal tersebut tidak lepas dari tilik Allah Swt”.

“Duduk di tempat-tempat yang baik tu kadada (tidak ada) ruginya”

“Adab tu tinggi kedudukannya di sisi manusia pun di sisi Allah”

“Rasa takut pada Allah dapat menggiring seseorang untuk berbuat taat (kebaikan), ibaratnya seorang anak yang takutan pada kuitan (orangtua) bisa jadi paasian (penurut)”.